1.Միջին մասնագիտական կրթության 0915.01.5 «Բուժական կոսմետոլոգիա» մասնագիտության 0915.01.01.5 «Բուժքույր/բուժեղբայր-կոսմետոլոգ» որակավորման մասնագետի մասնագիտական գործունեության բնութագիրը տրվում է ըստ զբաղմունքների տեսակների և մասնագիտական պարտականությունների:
2.Միջին մասնագիտական կրթության 0915.01.5 «Բուժական կոսմետոլոգիա» մասնագիտության 0915.01.01.5 «Բուժքույր/բուժեղբայր-կոսմետոլոգ» որակավորմամբ մասնագետն իրականացնում է հետևյալ զբաղմուքները՝
1) Բուժքույր/բուժեղբայր կոսմետոլոգ (բուժ-պրոֆիլակտիկ հաստատություն, գեղեցկության սրահ)
2) Դիմահարդար (վիզաժիստ), (գեղեցկության սրահ)
3) Մերսող (բուժ-պրոֆիլակտիկ հաստատություն, գեղեցկության սրահ)
4) Մազահեռացում (բուժ-պրոֆիլակտիկ հաստատություն, գեղեցկության սրահ)
5) Մատնահարդար (գեղեցկության սրահ):
3. Միջին մասնագիտական կրթության 0915.01.5 «Բուժական կոսմետոլոգիա» մասնագիտությամբ 0915.01.01.5 «Բուժքույր/բուժեղբայր-կոսմետոլոգ» որակավորմամբ մասնագետի մասնագիտական պարտականություններն են՝
1) Վերլուծել ստեղծված իրավիճակը և կայացնել որոշումներ սեփական մասնագիտության լիազորությունների և իրավասության սահմաններում
2) Պահպանել հիգիենայի կանոնները
3) Տիրապետել հաղորդակցման հմտություններին, սպասարկման ժամանակակից մեթոդներին
4) Վարել բուժական կոսմետոլոգիական ծառայությունների փաստաթղթերը
5) Օգտվել անհրաժեշտ բժշկական և կոսմետոլոգիական սարքավորումներից
6) Տիրապետել կոսմետիկ նյութերի, պատրաստուկների ստացման տեխնոլոգիային, պահպանմանը, օգտագործման կանոններին
7) Կատարել ֆիզիոթերապևտիկ պրոցեդուրաների հիմնական տեսակները
8) Իրականացնել բուժական կոսմետոլոգիական սարքավորումների պահպանման, օգտագործման, դրանց ժամանակին վերանորոգման և դուրսգրման հսկողությունը
9) Ցուցաբերել նախաբժշկական օգնություն անհետաձգելի իրավիճակում
10) Կատարել դիմահարդարում, ձեռքերի և ոտքերի մատների հարդարում, էպիլյացիա
11) Կատարել հոնքերի, թարթիչների կոսմետիկ խնամք, դիմագծերի կոսմետիկ շտկում
12) Կատարել մերսում
13) Բարձրացնել գիտելիքների, կարողությունների, հմտությունների մասնագիտական մակարդակը:
4. Միջին մասնագիտական կրթության 0915.01.5 «Բուժական կոսմետոլոգիա» մասնագիտությամբ 0915.01.01.5 «Բուժքույր/բուժեղբայր-կոսմետոլոգ» որակավորման հիմնական կրթական ծրագիր իրականացնող հաստատության նյութատեխնիկական ապահովության նկատմամբ պահանջները սահմանվում են ըստ ուսումնական կաբինետների, լաբորատորիաների, արհեստանոցների, սպորտային համալիրի: Դրանց հագեցվածությունը որոշվում է ուսումնական ծրագրերի պահանջներին համապատասխան:
1) Ուսումնական կաբինետների երաշխավորվող ցանկը՝
ա. Համակարգչային
բ. Լեզուների
գ. Նյութագիտության և տեխնոլոգիական կահավորման
դ. Բուժական կոսմետոլոգիայի և մերսման
ե. Ձեռքերի և ոտքերի եղունգների հարդարման
զ. Գունանկարի և գծանկարի
է. Գեղազարդական կոսմետոլոգիայի
ը. Ներքին հիվանդությունների
թ. Վիրաբուժության
ժ. Մաշկային, սեռավարակ և վարակիչ հիվանդությունների
ի. Անատոմիայի և ֆիզիոլոգիայի:
2) Ուսումնական լաբորատորիաների երաշխավորվող ցանկը՝
ա. Կոսմետոլոգիական նյութաբանության
բ. Հիգիենայի, մանրէաբանության և համաճարակաբանության
գ. Դեղաբանության
3) Սպորտային համալիր՝
ա. Մարզադահլիճ
բ. Մարզահրապարակ:
